الـخـيـانـة !!

الخيانة

كيف كان وقع هذه الكلمة عليك أيها القارئ الكريم ؟؟

أليست كلمة قاسية بالفعل ؟!

أليست كلمة تحمل من البشاعة ما يجعلك تصاب بالضيق ؟!

هذا هو أنت أيها الإنسان الصادق مع نفسك و مع الآخرين تنظر لها من هذا المنظور

و لكن للأسف هناك من ينتهجها في حياته و لا يشعر أبدا بأنه أخطأ

و ربما مثل دور الضحية و وجدت نفسك الجاني فجأة !!

لك أن تتخيل المأساة !!

صديقك أو قريبك .. انسان لم تكن يوما لتشعر معه إلا بالأمان و لن تمنحه سوى الثقة

و لكنك تصدم بحقيقته البشعة

ثم تسترجع شريط الذكريات هناك مؤشرات و مشاعر و تساؤلات و غموض

كان حدسك يخبرك بأن هناك خطأ ما و لكنك تعمدت أن تغمض عينيك عن كل ذلك

ثم تبحث عن مبررات و تلتمس له الأعذار

غافل عن بشاعة ما يحمله في قلبه من مكر و حقد .. غير مدرك لسوء نواياه

ثم يسقط القناع !!

و تكشف لك الأيام أنك مخدوع و ساذج

هنا تحمل ألمك وتبحث عن الأسباب .. تطرق كل الأبواب لتفهم فقط .. لماذا ؟؟

و لكنك بالنهاية لن تصل للحقيقة الكاملة

و ستبقى الذكرى المؤلمة و الصدمة التي نسفت كل ما تحمله لهذا الشخص من حب و تقدير

هنا يأتي السؤال

هل ستتغير ؟؟

هل ستكون متيقظا و حذرا في تعاملك و في منح ثقتك ؟؟

هل ستنسى عفويتك و تتحكم بعواطفك و تنظر للآخرين بمرآة قلبك

و لاحظ أن قلبك مجروح فتخيل ما ستراه من خلاله ؟؟

هل ستنسي تلك الخيانة يوما ؟؟ هل ستسامح ؟؟

سيكون كل شيء مشوها لن تتضح لك الرؤية إلا من خلال منحك الآخرين فرصة ليزيلوا تلك الغمامة

بمسح تلك المرآة بما يقدمونه لك من تفاؤل و أمل

و أن تدعو الله أن لا تقع في فخ تلك النماذج مرة أخرى



الموضوع يحمل السؤال و الجواب و يرحب بكل رأي و نقد

الدرس الذي لا يقتلني يزيدني قوة
وكثرة السقوط تعلم الوقوف

هاد الشي المفروض يصير انو الواحد يتعلم من غلطو
لكن في ناس بتقلك مو كل الناس متل بعضها وبصير فيها نفس الي صار
شكرا على مشاركتك استاذ

أبشع شيء (الخيانه )من أعز الناس وأقرب الناس لكـ لاكن كون حذر منها وتوقعها في هذا الزمن بذات من أقرب شخص لكـ. ماتعرف شو الزمن يعمل بأبن أدم الزمن يتغير ويغير معاه الناس ....وشكرا على الموضوع

عفوا وشكرا على مرورك

صح كلامك استاز ومحمد بس هل جميع الناس تستطيع الوقوف مرة اخرى اذا كانت الخيانة شديدة والم شديد ان كان بالحب ممكن يحب مرة ثانية بنفس القدر الي حب بها المرة الاولى؟؟ وان كان بالصداقة ممكن انو يثق ويستأمن بأي صديق او بالناس اجمعين؟؟ صعب
وشكرا عالموضوع الحلو تسلم...

نعم بتستطيع لتعرفي شي انو الحياة مابتوقف عند حدا أبدا مين ماكان
يعني حتى لو بالموت بعيد الشر عن الكل
الحياة رح تضل ماشية معك او بدونك مشان هيك الانسان بيستطيع دائما الوقوف مرة ثانية
ممكن يصير عندو عقدة من الناس والثقة فيهم او الحب
لكن المتل بقول مو كل أصابعك متل بعضها
والحب دائما موجود ماحدا بيقدر يهرب منو
شكرا على مشاركتك

أصعب ما في الوجود الغدر والخيانة..عندما تكون رايتك هي الصدق والوفاء والطيبة والاخلاص..وتعيش في زمن فيه أناس شعارهم الغدر والخيانة والكاسف قلت كلما ما بتنقال ومع ذلك تعيش!!يا للأسف.. أن تكون صادقآ مع غيرك في قولك وعملك ونيتك لتجد نفسك اخيرآ عشت قصة من أروع ما زخرفته طعنات الخيانة والغدر..طعنات غدر لا تنسى..وما اصعب ان تحبهم وتمنحهم كل شيئ فيقومون بمحو كل شيئ بالخيانة..ما أصعبها من لحظات ان تجلس بجانب حبيبك وتكون نظراته لغيرك!؟ ويلتفت إليك بعدها ليصفعك بكف غدر ولربما طعنة غدر!!*سهم الغدر*


وشكرا على هل موضوع الجميل

بس يامحمد انا بعرف ناس كل ماتحس قلبها مال لحد معين بتحاول تبعد عنو تماما قلبا وتفكيرا حتى لا تحط حالها بنفس الموقف تاني ولا ترجع تتألم تاني لحتى مايكون في احتمال واحد بالمية للخيانة والغدر وبعدين مافي حدا بيوقع بنفس الحفرة مرتين غير ..............

وانا بعرف انو الاصابع مش متل بعضها بس مابتعرف يطلع التاني زيو او لا
لانو صار قليل حاليا الي بحب باخلاص ووفاء

ممكن تبعد فترة لاكن اخرتها رح تنسى وترجع تجرب مرة تانية
أصلا شو هي الحياة هي تجارب
ومتل مافي ناس مابتحب باخلاص في ناس بتحب باخلاص
واذا خليت خربت

صح كلامك بس مستحيل الواحد ينسى جرحو وخصوصا ازا كان جرحو كبير وكل مارح تتجدد العلاقة او انو يرجع يحب تاني رح يتذكر جرحو الاولاني هاد ازا نسي اصلا
وانت بتقول اذا خليت خربت برايك هي لسه ماخربت هي خربت من زمااااان

الحياة مواقف وشخصية الانسان بتتشكل وبتحدد على قدر المواقف والتحديات اللي تقابله
وعلى قدر ما واجه من مشكلات وتحديات
وطبعا كثرة السقوط تعلم الوقوف
والانسان الذكي هو اللي يتعلم من الدرس وما يسمحح انه يتكرر معه تاني

براي انو الواحد بيتعامل مع اشخاص ومع شخصيات مختلفة يعني مابتعرف اذا رح يخون او لا
وانت بتقول الانسان القوي الي بيتعلم من اخطائو عشان هيك بقلك هاي الناس بتبعد نفسها قلبا وتفكيرا ازا قلبها مال لحدا معين حتى لا تقع بنفس المشكلة

* الذكي

أنا رأي انو نبعج عن الشي تفاديا من الوقوع فيه هاد غلط

بس يامحمد الواحد مش مستعد لحب جديد وخيانة جديدة واصعب شي الالم تبعو اصلا الواحد لما يفتكر الالم الاول بكره الحب وسنينو وبعدين هو الواحد قدر ينسى المو الاولاني عشان يبدأ من جديد وبعدين خلص رسخ في مخو كل قصة حب اخرها خيانة حتى لو هي مش هيك

انا معك ووالله عندي تجربة بالخيانة وفعلا الواحد بفكر الدنيا كلها هيك بس الدنيا فيها اشكال ألوان
والواحد الا مايرجع يجيه حدا يغير حياتو ويرجعلو الأمل وهاد الي دائما بصير اما الي بحاول يبعد مارح يقدر ممكن فترة بس رح يرجع

انا من وجهة نظري , انو الخيانة أصعب بكتير من الموت , وقت الواحد بحب حدا بجنون وفجأة يطلع كل شي وهم كان عايش فيه طبعا مارح يقدر ينسى كل شي بيوم وليلة طبعا بدها وقت منشان هيك نحن وقت منغلط مرة ومرتين و3 مرات منحاول انو مانرجع نعيد الغلط وهيك انت رح تستفاد ورح تفيد غيرك والواحد مابيتعلم إلا من كيسو, تقبلوا تحياتي

صح كلامك محمد
وانتي كمان ليدي صح